Mərkəzi Kimyəvi və Toksikoloji Laboratoriya kimyəvi və toksikoloji müayinələri həyata keçirən, yeni diaqnostik üsulların tətbiqini təmin edən, elmi-tədqiqat işləri aparan, toplanmış məlumatların statistik təhlilini və ümumiləşdirilməsini həyata keçirən, bu sahədə fəaliyyət göstərən laboratoriyalara metodiki və təcrübi dəstək göstərən, onların fəaliyyətinin keyfiyyətini qiymətləndirən və onlar arasında yaranan mübahisələrə dair rəy verən istinad laboratoriyasıdır.
Laboratoriya öz fəaliyyətində Azərbaycan Respublikasının Konstitusiyasını, Mülki Məcəlləsini, müvafiq Qanunları, beynəlxalq müqavilələri, Nizamnaməsini, habelə Səhiyyə Nazirliyinin qərar, əmr və sərəncamlarını rəhbər tutur.
Əhalinin sağlamlığının qorunması və bu sahədə hüquqlarının təmin edilməsi.
Kimyəvi və toksikoloji müayinələrin aparıldığı laboratoriyaların müayinələrinin keyfiyyətini qiymətləndirmək, metodiki və təcrübi köməklik göstərmək, o cümlədən onlar arasında yaranan mübahisələrə dair rəy vermək.
GC-MS bazasında maddə
Toplanan məlumatların statistik təhlili və ümumiləşdirilməsinin həyata keçirilməsi.
Profil üzrə aparılmış müayinələrin şübhəli nəticələrinin dəqiqləşdirilməsi.
Kimyəvi və toksikoloji müayinələrin aparıldığı laboratoriyaların müayinələrinin keyfiyyətini qiymətləndirmək.
Laboratoriya kimyəvi və toksikoloji laborator müayinələr aparan, ölkə ərazisində fəaliyyət göstərən laboratoriyalara metodiki və təcrübi dəstək göstərən istinad laboratoriyasıdır.
Laboratoriya Səhiyyə Nazirliyi Kollegiyasının 12 nömrəli qərarı ilə yaradılmışdır.
Ağır metallar, pestisidlər, naməlum zəhərlənmələr, uçucu-zəhərləyici maddələr və dərman preparatlarının kəmiyyət və keyfiyyət təyini və s.
Narkotik və psixotrop maddələr, dəm qazının miqdarı təyini, immunosupressant və antiepileptik dərmanların terapevtik monitorinqi və s.
Müayinələrin etibarlılığının təmin olunması Laboratoriyanın fəaliyyətinin əsasını təşkil edir. Bütün müayinələr yüksək dəqiqlik və nəticələrin ardıcıllığını təmin etmək üçün müvafiq metod və prosedurlar əsasında, təcrübəli və ixtisaslaşmış mütəxəssislər tərəfindən aparılır. Aparılan müayinələrin əldə olunmuş nəticələri tələbdən asılı olaraq rəy, akt və laborator nəticə formasında təqdim olunur.
Validə olunmuş metodlar, kalibrlənmiş avadanlıqlar, sertifikatli kalibrasiya və kontrol maddələr.
Bütün müayinələr təcrübəli və ixtisaslaşmış həkimlər tərəfindən aparılır.
Baş Direktor
Vəkillər kollegiyasının üzvü, MKTL-in hüquqşünası
Maliyyə Şöbəsi — MKTL-in baş mühasibi
Sənədlərlə iş və vətəndaş müraciəti şöbəsinin müdiri
Qəbul Şöbəsinin müdiri
Təsərrüfat Şöbəsinin müdiri
Kimyəvi laboratoriya bölməsinin rəhbəri
Toksikoloji laboratoriya bölməsinin rəhbəri
3.1.8. laboratoriya xidmətlərinin göstərilməsi üçün müəssisələr ilə müqavilə bağlamaq, Nazirlik tərəfindən təsdiq olunmuş tariflər əsasında xidmətlər göstərmək;
3.1.16. fəaliyyət sahəsi üzrə xəstəliklərin profilaktikası, tibbi xidmətin keyfiyyətinin və səmərəliliyinin yüksəldilməsi istiqamətində tədbirlər həyata keçirmək;
3.1.26. vətəndaşların sağlamlığı ilə bağlı məlumatları Vahid Səhiyyə İnformasiya Sisteminə daxil etmək;
4.1.6. “Fərdi məlumatlar haqqında” Azərbaycan Respublikası Qanununun tələbləri nəzərə alınmaqla, fəaliyyət sahəsi üzrə elektron informasiya sistemi yaratmaq, tibb müəssisələrinin və digər istifadəçilərin həmin elektron informasiya sistemindən istifadə imkanlarını təmin etmək;
4.1.9. laboratoriya xidməti sahəsinin inkişafına dair innovasiyaları tətbiq etmək, təklif və tövsiyələr hazırlayaraq, müvafiq sahələr üzrə dövlət, idarəetmə orqanları və digər təşkilatlarla əməkdaşlıq etmək;
4.1.12. fəaliyyət sahəsi üzrə dövlət və bələdiyyə orqanlarına, fiziki və hüquqi şəxslərə zəruri məlumatlar (sənədlər) barədə sorğu vermək və onlardan belə məlumatları (sənədləri) almaq;
Laboratoriyanın hüquqi statusu, fəaliyyəti və tarixi ilə bağlı ən çox verilən sualların cavablarını topladıq.
11 sentyabr 2024-cü il tarixli, Azərbaycan Respublikası Səhiyyə Nazirliyi Kollegiyasının 12 nömrəli qərarı ilə yaradılıb.
Əhalinin sağlamlığının qorunması və bu sahədə hüquqlarının təmin edilməsi, kimyəvi-toksikoloji laborator müayinələr aparmaq və istinad laboratoriyası qismində çıxış etmək.
Konstitusiya, Mülki Məcəllə, müvafiq Qanunlar, beynəlxalq müqavilələr və Nizamnamə əsasında fəaliyyət göstərir.
Bəli, təhsil müəssisələri ilə müqavilə əsasında tibb mütəxəssislərinin hazırlanması üçün klinik baza kimi istifadə oluna bilər.